Chatta med Umeå kommuninformation

Rijkalasj unneplågo ja unneplågogiela

Láhka unneplågoj ja unneplågogielaj birra galggá Svieriga rijkalasj unneplågojt suoddjit, sijá máhttelisvuodajt ja rievtesvuodajt bájnnemfábmuj nannit, ja åvddånahttet unneplågogielajt sámegiella, meängiella, suomagiella, jiddisj ja romani chib. Láhka, man vuodo l ráddidusá unneplågopolitijkalasj strategiddja, mierkki ådå välggogisvuodajt Ubbmema kommuvnnaj ja ådå rievtesvuodajt sidjij gudi dajda juohkusijda gulluji.

Sámegielan, meängielan ja suomagielan la nanniduvvam suodje muhtem geografalasj tjuottjudusguovlojn ja muhtem fábmudagájn. Ubbmema kommuvnna gullu sámegiela tjuottjudusguovlluj ja suomagiela tjuottjudusguovlluj.

Lága milta kommuvnna galggá:

  • diededit unneplågojt lága birra
  • fámov vaddet ja rádedit unneplågoj åvdåstiddjij
  • suoddjit/åvddånahttet gájkka unneplågoj gielav ja kultuvrav, ållagasj gå gähttja mánájda
  • dievnastusáv vaddet ja fállat fábmudakaktavuodav ållåsit/muhtem märráj sámegiellaj ja suomagiellaj gå gatjálvis boahtá, ja ietjá unnelågogielajda jus gávnnuji sáme- jali suomagielak bargge.
  • fállat mánna- ja vuorrasijhuvsov ållåsit/muhtem märráj sámegiellaj ja suomagiellaj gå gatjálvis boahtá.

Majt kommuvnna dahká?


Ubbmema kommuvna barggo lágav duostutjit álgij tjavtjan 2009 ja vásstádus ráddidusás ådåstimdoarjjaga birra bådij javllamánon. Barggojuogos, kommuvna gájklágásj dåjmaj åvdåstiddjij, bargov aktijt ja barggovuogijt åtsåt duostutjit dajt darbojt ma gávnnuji. Juogos vuojet ja pláni diededimdagojt ja rádedimijt unneplågoj, ja aj dagojt lasse máhttelisvuohtaj unneplågoj ja unneplågogielaj birra kommuvnan. Rádedime aktan unneplågoj vaddi diedojt makkár dárbojt dåjma vierttiji duosstot.

Láhka moatte giellaj


Ráddidus la dahkam diededimbielijt (pdf) ådå lága birra ja majt dat mierkki sierra unneplågogielajda. Dála sválldasa diededimbielijda tjuovvu sámegiellaj ja dárogiellaj:

Riektá nanniduvvi rijkalasj unneplågojda

Rättigheter stärks för de nationella minoriteterna (dárogiellaj)

Ienep diedo

Ubbmema kommuvna diededimbiele unneplågo ådåstuhttema birra
(pdf, dárogiellaj)

Rijkalasj unneplågo ja tjuottjudusguovlo (pdf, kártta, dárogiellaj)

Minoritet.se (Sámedikke webbabielle rijkalasj unneplågojda)

Ráddidusá unneplågopolitijkka (Ráddidusá webbasadje)

Sidan uppdaterad 12-03-13 15:02 av Ulrika Eriksson, Stadsledningskontoret
 Sidan är besökt 9890 gånger
Symbol
Aktavuohta
Válde aktavuodav unneplågoådåstuhttema barggojuohkusijn

 
Ságastimij ja vuojnoj baktu la gájkka viesádijn bájnnemfábmo.

Lågå ienebuv dialogaj ja vuojnoj vuolen (dárogiellaj)

Dálla
Sáme ladnja girjjevuorkán
Stádagirjjevuorkká Ubbmemin la sámij lanjáv rahpam.

Lågå ienebuv sámij lanjá birra (dárogiellaj)

 
Dårja unneplågogiellaj
Instituvtta gielajda ja álmmukmujtojda juohká stáhtadoarjjagijt ma galggi aktugasj ulmutjijda buorep vidjurijt vaddet oahppat ja ávkkit ietjasa rijkalasj unneplågogielav.

Lågå inebuv doarjjaga birra
(Institutet för språk och folkminnen)

Kontakt

Umeå kommun
Skolgatan 31A
901 84 Umeå
090-16 10 00

Mejl, telefon och
andra kontaktvägar

Pressrum

Snabblänkar
Sök på umea.se/kommun
Dela
Kulturhuvudstad 2014, 2010 års internationella världspris för innovativ fritid, Årets Ungdomskommun 2008, Årets tillväxtkommun 2008, Sveriges IT-kommun 2007-2008, Guldlänken 2008, Sveriges kvalitetskommun 2005-2007, Sveriges bästa studentstad 2006 och Sveriges konstkommun 2005!