Rïjkan unniebelåhkkuoh jah unniebelåhkkuogiälah

Lága unniebelåhkkuoj jah unniebelåhkkuogiälij bïjrra galggá várjjalit Sverjen rïjkan unniebelåhkkuojde, nïnnuostit sïjjan máhttielisvuadijde jah riäktájde bájdniet jah uvdietit unniebelåhkkuogiälijde mah leäh sámiengiälla, meänkieli, suamangiälla, jiddisch jah romani chib. Lága, man vuađđuone leä räđđetussan unniebelåhkkuopolitïjkan strategïjja, leäh Ubmejen kommuvnan uđđa veälgguogisvuadah jah uđđa riäktáh sïjjan uvdaste geäh dajddie dåhkijde guvllijeäh.

Sámiengiälla, meänkieli jah suamangiälla nïnnuosubba suöjieb edneh müvtieme tjudtjatusdáhvuojne iädnamisne jah müvtieme fåbmadahkkijne. Tjudtjatusdáhvuo sámiengiälan, meänkieligiälan jah suamangiälan uvdaste gåbttjá Ubmejen kommuvnub.

Lágan mehte kommuvnna galggá:

• diedietit unniebelåhkkuojde lágan bïjrra
• vaddiet fámuob jah råđđasjit unniebelåhkkuoj
• várjjalit jah uvdietit gájkka unniebelåhkkuogiälijde jah kultuvrijde, ájnas mánáj hárráje
• diävnuob vaddiet jah fállat fåbmadahkkijde gávnadit sámiengiällije, meänkieligiällije jah suamangiällije guh gehttjelvassh bühth, jah áj jiätjáh unniebelåhkkuojgiälijde jus sjeähttielis giällabarggijeh gåvdnijeäh
• fállat mánáj- jah vuarrasijhuksuob ållást jalla üsij mehte sámiengiällije, meänkieligiällije jah suamangiällije guh gehttjelvassh bühth.

Máb kommuvnna dahkká?

Ubmejen kommuvnan bargguo lágub duastuotjit älgij tjaktjasne jábien 2009 guh vásstiedis räđđetussaste uđđastemendårjjagen bïjrra büdij juvllamánuon sammá jábien. Kommuvnan uvdastejjedåhkkie dåjmijde vydnahe jah diedietemijde gárviete unniebelåhkkuojde jah aktasne unniebelåhkkuoj jaha dåjmate dahkkuojde buöriebe dájđuoj guahtáje unniebelåhkkuoj jah unniebelåhkkuogiälij bïjrra kommuvnasne. Råđđasjiemieh unniebelåhkkuoj buektth dájđuojde dahkkuodárbuoj bïjrra.

Lága dáruongiällije

Lága unniebelåhkkuoj jah unniebelåhkkuogiälij bïjrra Länk till annan webbplats, öppnas i nytt fönster. (dáruongiällije)