Nasjovnellen unnebelåhkoeh jïh unnebelåhkoegïelh

Laake unnebelåhkoej jïh unnebelåhkoegïeli bïjre galka Sveerjen nasjovnellen unnebelåhkoeh vaarjelidh, dej nuepieh jïh reaktah tsevhtsiehtæmman nænnoestidh jïh unnebelåhkoegïelide saemiengïelem, meänkieli gïelem, såevmien gïelem, jiddisch gïelem jïh romani chib gïelem gorredidh. Laake, man våarome lea reeremen unnebelåhkoepolitijhken strategije, orre skåltoeh Upmeje tjïeltese buakta jïh orre reaktah dejtie gieh dejtie dåehkide govlesuvvieh.

Saemiengïelen, meänkieligïelen jïh såevmiengïelen lea tjarkebe vaarjelimmie muvhtene geografijhkeles reeremedajvine jïh muvhtene åejvieladtjine. Upmeje tjïelte lea saemien reeremedajvesne, meänkieligïelen jïh såevmiengïelen reeremedajvesne.

Laake dorje tjïelte edtja:

unnebelåhkojde laaken bïjre bievnedh
tsevhtsiehtimmiem vedtedh jïh unnebelåhkoejgujmie raarastalledh
gaajhki unnebelåhkoej gïelh jïh kultuvrh vaarjelidh jïh nænnostidh, joekoen fokuse maanide
hoksehtimmiem vedtedh jïh åejvieladtjegaskesem faaledh saemiengïelesne, meänkieligïelesne jïh såevmiengïelesne jis muvhtenh dejtie gihtjesuvvieh jïh jeatjah unnebelåhkoegïeline jis almetjh gååvnesieh gieh dejtie gïelide soptsestieh
maana- jïh voeresehoksem faaledh saemiengïelesne, meänkieligïelesne jïh såevmiengïelesne ållesth jallh bieliem jis muvhtenh dejtie gihtjesuvvieh.

Maam tjïelte dorje?

Upmeje tjïelten barkoe laaken dåastohte eelkie tjaktjen 2009 jïh dïjre beetnehvierhtiej bïjre reformasse reeremistie bööti goevten askesne seamma jaepien. Barkoedåehkie lïhtseginie tjïelten ovmessie darjojste barkoem sïemedidh jïh rutijnigujmie barkedh dah daarpoeh dåastoehtidh mah gååvnesieh. Dåehkie bïevneshbarkoem evtede jïh soejkesje dejtie unnebelåhkojde jïh dejgujmie sïemede, jïh aaj barkoem jïjnjebh maahtoem unnebelåhkoej jïh unnebelåhkoegïeli bïjre tjïeltesne dorje. Unnebelåhkoejgujmie raarastalla destie maahtoe båata mah daarpoeh darjoeh tjuerieh dåastoehtidh.